“ОЙЖУУЛАГЧЫН ТҮР СУРГАЛТ”

Хэнтий аймаг дахь Магадлан итгэмжлэгдсэн Политехник коллеж нь “Гучин сая мод тарих” хөтөлбөрийн хүрээнд сургагч багш бэлтгэх ойжуулагчийн түр сургалтыг 2022 оны 5 ба 10-р саруудад амжилттай зохион байгууллаа. Тус сургалтыг БОАЖГ-ийн санхүүжилтээр хангаж ажиллалаа. Уг сургалтыг ойн мэргэжлийн багш Н.Борхүү, ойн инженер Б.Мөнхбаяр, боловсрол судлалын магистр Ч.Сурмаажав багш нар удирдан зохион байгуулж сургалтын хүрээнд дараах чадамжийн нэгжийг эзэмшүүлэв.

Үүнд:

 Мод үржүүлгийн талбайд арчилгаа хийх

 Ойжуулалтын техник хэрэгслийн ажилд бэлтгэх

 Мод үржүүлгийн талбайг зохион байгуулах

 Ойн санг хамгаалах

 Ойжуулалтын ажил хийх

 Хөрс боловсруулалт хийх

Тухайн сургалтад 2022 оны 5-р сард 7 сумын 13 иргэн, 10-р сард 8 сумын 27 иргэн тус тус сургалтад хамрагдан амжилттай суралцаж төгссөн 40 суралцагчдадаа 2023 оны 02 сарын 08-ний чадамжийн гэрчилгээг гардуулан өглөө. БОАЖГ-ын хамт олонд сургалтыг санхүүжүүлсэнд талархал илэрхийлье.

Амжилттай төгссөн суралцагчдадаа баяр хүргэж, ажлын өндөр амжилт хүсье!